傅穎懶寫聖誕卡Stephy
2009-12-17
傅穎談到「死敵」Stephy即口窒窒。
Ana R.打扮性感出席首映禮，表現風騷。
【東方日報專訊】傅穎轉投新公司星皓後工作不斷，前晚她出席由Philip Stein翡麗詩丹贊助的電影《吸血新世紀2新月傳奇》首映，透露花了五位數字買聖誕禮物給新公司同事。她說：「原來買畀男同事最難，唔知買咩畀羅仲謙 好。」問到會否買禮物給舊公司同事，如楊愛瑾和鄧麗欣（Stephy）時，她立即口窒窒說：「咁送E-Card（電子賀卡）囉。（Stephy都有份？） 咁都係Forward啫。」
她又指聖誕需要在工作度過，屆時可能會與身邊朋友作「聖誕抱抱」，問到會否與Stephy抱抱，她說：「睇吓見唔見到啦！」談到擇偶條件，她就表示：「最重要係真心，最怕愛情騙子，有識過男仔對待愛情唔認真。（圈中嗰個？）唔講喇。」
當晚出席嘉賓眾多，包括黃家強夫婦、關心妍夫婦，Ana R.與董敏莉等，其中穿上低胸衫的Ana R.就風騷與男友到場。
