【東方日報專訊】臨近樂壇頒獎禮，卻爆出無綫與四大唱片公司組成的HKRIA鬧翻事件，雙方就版稅加幅爭拗，據悉無綫不滿版稅加幅驚 人獅子開大口，立即實施「禁播禁唱」新例反擊，封殺四大唱片公司，連累四大唱片旗下歌手如陳奕迅、謝安琪、薛凱琪等爭獎機會大跌，首當其衝成炮灰的正是剛 出新碟的無綫契仔李克勤！
據悉無綫與由四大唱片公司環球、華納、Sony、EMI脫離IFPI而組成的香港音像聯盟（HKRIA）弄至僵 局，被傳拒付版稅，全因不忿版稅加幅驚人，要求高於舊價十倍的加幅，令無綫難以接受，因以往無綫付出合共三百多萬元的版稅予IFPI及HKRIA兩間公司 分帳，若應允今後單付版稅便要花逾千萬元。故施行新政策「禁播禁唱」，並開會商討，若雙方談不攏，將連累其他電台樂壇頒獎禮也遭落重手「刪剪」，只播友好 唱片公司的片段，甚至不作轉播。
新人影響最大
無 綫總經理陳志雲昨日進行大反擊，炮轟無綫拒交版稅遭四大唱片公司封殺的報道是扭曲事實，發放消息的人居心叵測，他指出：「無綫畀開一年版稅，按音樂播放比 例分版稅，呢四間唱片公司單方面終止音樂播放版權合約，明年1月1日生效。同四大唱片公司去傾版權稅，但佢哋嘅增幅好多，倍數過大，佢哋嘅歌曲係有價值， 但唔係咁樣嘅價值比例。版權對TVB咁重要，點會拒絕去交版稅？我哋自己都係靠版權維生，就係因為咁，我睇到呢單新聞有三個字『咁都得！』有小小驚訝。」
他 直言無綫為此不會再播四間唱片公司的歌曲，「禁播禁唱」政策一出他不諱言對歌手構成影響：「人哋唔畀權我哋，我哋唔會播有關音樂，四大公司旗下歌手會受影 響。（咁季選同勁歌頒獎會點安排？）四大公司嘅歌手可以出席頒獎禮，但唔可以唱歌，TVB亦都唔會因為咁而唔頒獎畀佢哋，呢件事對已成名嘅歌手影響無咁 大，但對啲新人就大啲，1月16日係勁歌金曲頒獎禮，TVB咁做唔係因為唔畀版權稅而杯葛佢哋，係尊重知識版權嘅做法。」
向頒獎禮開刀
對 於播映其餘三個頒獎典禮之問題，陳志雲說：「總之喺播映之前仲未達到共識嘅話，HKRIA旗下歌手得獎，就只會播歌手攞獎片段，演唱片段係唔會播，因為我 哋無合法版權嘛，就算無綫會直播叱咤同十大中文金曲頒獎禮，都會用技術上解決，我哋喺現場有主持人，鏡頭咪即刻take番自己個主持，除非電台同 HKRIA解決到個版權問題就另作別論。」
新政策實行，去年在頒獎禮頻獲獎的陳奕迅及謝安琪、李克勤、張敬軒等因屬四大唱片公司之一的環球 也大受影響，另外華納的薛凱琪、方大同；Sony歌手鄭伊健等亦慘成犧牲品，連無綫契仔李克勤剛出新碟也難以谷歌，克勤坦言無可奈何：「歌手都係一粒棋 子，無可奈何跟公司嘅方針去做，但點都好，同無綫嘅友誼在心中。」鄭伊健則表示會向唱片公司了解事件，Sony發言人昨表示各方面正努力溝通。詳情則不便 透露。
至於無綫有意將其他三台舉行的頒獎禮「刪剪」才播出，港台十大中文金曲總監馮偉棠表示：「刪剪應該就唔會，因為一月三十日係直播，而呢個係直播時段，係港台同無綫嘅口頭承諾，所以改動機會唔大，至今我哋都冇收到無綫有新嘅通知。」新城與商台待覆。
文：專案組
