[娛樂新聞] 強姦戲被批欠說服力 靚靚自嘲怪物唔夠網民正(視頻)

無綫台慶劇《富貴門》前晚播映大結局，薛家燕趁此宴請一班台前幕後。日前網民狠批袁詠儀慘遭羅嘉良強姦的戲份有欠信服力，一向敢言的靚靚即還擊說：「可能啲網民天生好靚好身材，所以就覺得我哋呢啲係怪物。」

無綫台慶劇《富貴門》播出以來收視口碑均麻麻，平均 36點（約 229萬觀眾），最高是羅嘉良（撈家）及馬國明在大廈爆炸一幕，高達 41點（約 258萬觀眾），總算為劇集寫下一個圓滿句號。有份拍《富》劇的薛家燕前晚到觀塘筵開 13席宴請台前幕後兼睇大結局，除了羅嘉良因為結婚未有出席外，其他演員都畀面撐場，呂良偉及袁詠儀（靚靚）一到場還鬥嘴搞氣氛，阿呂踢爆說：「最難搞係靚靚，又話唔可以開工超過 12個鐘。」

智霖嫌濕碎
早前網民狠批《富》劇中靚靚慘遭撈家強姦的劇情令人難以信服，靚靚就強調自己沒有不快，並還擊說：「其實好與壞都會聽，聽咗之後先知唔好再犯錯，但人身攻擊就唔會理，可能啲網民天生好靚好身材，所以就覺得我哋呢啲係怪物，反而老公（張智霖）睇完之後就問我係咁咋？」廣管局上星期就強姦戲份收到一宗投訴，而前晚大結局就收到七宗投訴。無綫也收到五宗投訴關於《富》劇情節與人物下場不合情理，又有指壞人沒有受到懲罰，教壞細路。
結局不合理

此外，備受批評的《富》劇大結局也繼續被網民喪插，指劇情反智兼嚴重不合情理，特別是講到撈家挾持戚美珍等人在銀行，但居然沒有警員介入，反而靠馬國明一把口勸撈家。其後銀行發生大爆炸，被困的撈家及馬國明竟然安然無恙，失憶後的撈家更不用接受任何懲罰。
採訪、攝影：卓寶花