陳慧琳5萬鑽石年年送
2009-12-18
潮媽陳慧琳表示由今年起，以後每年都送一卡鑽石給兒子。
陳慧琳送給鍾珍（圖左）及蝦餃仔（圖右）的禮物。
【東方日報專訊】陳慧琳（Kelly）昨日擔任某珠寶店開幕嘉賓，身上戴有千五萬鑽飾的Kelly心繫愛兒劉昇（蝦餃仔），即場自掏腰包購買一卡鑽石給囝囝作聖誕禮物，並承諾往後每年送贈一粒鑽石直至蝦餃仔娶老婆為止，絕對是廿四孝「潮媽」！
昨 日Kelly身穿低V連身裙及四吋高跟鞋出席金至尊珠寶新店開幕，戴着千五萬鑽飾和一枚十三卡、價值千二萬鑽戒的Kelly貴氣逼人，不過Kelly擔心 表示：「咁大粒鑽戒，搞到我唔敢同人握手，驚啲人會搶走呀！」而港姐陳茵媺和張嘉兒亦同樣佩戴百多萬元的鑽飾示人。Kelly主持剪綵儀式後，即獲金至尊 副董事長、千億新抱徐子淇父親徐傳順送上一條價值萬元的鑽石頸鏈，令Kelly笑逐顏開。
第一份聖誕禮物
雖 然Kelly身上的鑽飾閃耀全場，但她仍不忘選購一粒價值五萬元的一卡鑽石給蝦餃仔，Kelly說：「呢份係我第一份送畀囝囝嘅聖誕禮物，之後每年我都會 送一粒畀佢，送到佢娶老婆為止！（買粒好似手上咁大嘅十三卡？）唔會喇，我驚佢見到粒石咁閃令令咁得意會吞咗落肚！（老公冇份？）老公唔要啦，佢都唔戴鑽 飾嘅！」Kelly同時亦選了一條價值六千八百元寫有「幸福」的金頸鏈給經理人鍾珍，認真有心。
陳茵家藏后冠
另外，陳茵媺和張嘉兒坦言家中最貴重的鑽飾是港姐的后冠，並珍而重之安放在家中夾萬，張嘉兒說：「我好少戴呢啲咁大粒嘅鑽飾，驚男朋友送求婚戒指時有困難！」而陳茵媺則透露，會努力儲錢購買一粒大鑽戒送給母親。
採訪：音樂組
