Lavina雙峯一出即時搶盡鏡頭，莊思敏（右）事後指與 o靚模同場令她「着咗火」。
o靚模 Lavina（鍾蕙芝）、 Rainbow（胡心諾）、 Monique（周凱盈）及美味天使陳蕊蕊（柑桔），昨日聯同自稱「翻版蔡少芬」的 Roxanne和「翻版周麗淇」 Suey兩個新 o靚模，在西九龍出席國慶最紅 Fashion Show，莊思敏則以前輩身份擔任 catwalk顧問，並與 Lavina齊穿紅嫁衣壓軸出場。
Lavina和 Monique（右）雖然同樣以背心示人，但效果卻有着天壤之別。
Rainbow（右）和 Monique同是 o靚模出身，不過欠缺後勁，人氣明顯大不如前。
美味天使陳蕊蕊身材有睇頭，難怪獲邀請行騷。
「即時着咗火」
莊思敏在台上應司儀要求指出各 o靚模行騷的好與壞，她指 Rainbow寒背，陳蕊蕊有潛質，及 Lavina比想像中好，但落台後莊思敏卻對記者說：「嚟到現場至知要同 o靚模一齊做，即時着咗火，之前搵我做呢個 job係話教啲新人行 catwalk，嚟到至知係一群 o靚模。」
問莊思敏是否嫌棄 o靚模？她說：「我都講過以佢哋高度行騷好牽強，如果係夏天少女服裝騷仲可以，去到大牌子就唔得囉。」記者指她在台上卻稱讚 Lavina等人，她說：「所以我都有講過四肢健全都可以學 catwalk，但同全面嘅模特兒係兩件事。」
至於被莊思敏稱讚的 Lavina說：「其實我入行日子好短，今次係我第一次行 catwalk，所以心情都好緊張， Jacquelin（莊思敏）好 nice，教完我之後個心定晒。」 Rainbow則謂會接受莊思敏的意見，多留意自己的缺點再予以改善。
採訪、攝影：魯萍
