「你e家叫我做好核突」黎耀祥拒簽無綫換獎
《巾幗梟雄》收視高、口碑好，男女主角黎耀祥、鄧萃雯順理成章成為視帝視后的大熱人選。祥仔入行 20多年，在無綫第二次做男主角，剛好遇上一部好戲《巾幗梟雄》，天時地利人和的配合，祥仔有充足的鬥心奪取今屆視帝，他昨日出席活動時更否定無綫會送獎給親生仔之說，堅持在這刻都不會簽約，以證明真正實力。
柴九黎耀祥是今年視帝大熱，他昨日帶兒子出席活動。
無綫劇集《巾幗梟雄》的柴九黎耀祥、四奶奶鄧萃雯成為今年視帝視后的大熱，但雯女多次提名視后，卻屢傳因不肯簽約無綫與視后絕緣。在電視圈打滾 20多年，第二次擔正做男主角，當柴九遇上四奶奶，黎耀祥提名視帝，呼聲也相當高，不過黎耀祥同樣不是無綫經理人合約的藝人。
邵美琪真空上陣，她大讚上衣安全又舒服，不用貼膠紙。
「我攞大家都開心」
祥仔昨日到將軍澳出席「健康第壹大獎 2009」頒獎禮，問他對勇奪視帝有否信心時，他說：「 OK，今年我呼聲都高，不過隨緣，有好多因素，大氣候、評審、觀眾因素，我梗係想憑呢套《巾幗梟雄》得獎，暫時都算係我代表作，個角色真係好豐富，我攞大家都開心。」
對於有說不是無綫親生仔，會影響得獎賽果，祥仔說：「一半一半，無綫係一個商業機構，每個都係因素，不過唔係絕對，咁舊年夏生（夏雨）都唔係簽無綫，我都唔係，我都攞男配角，不過第日我唔知，呢刻未係，但我覺得係唔係唔太重要，我有做人嘅方法，我揸住個宗旨做人。」他又續說：「如果你家叫我簽約，我會覺得好核突，我唔鍾意做呢種嘢，亦都唔想，如果唔係戲好，畀個獎你係商業考慮，咁就冇意思喇！」
上屆視后米雪對鄧萃雯奪獎有信心。
米雪撐雯女封后
同場的米雪對於鄧萃雯是今年大熱視后表示支持，但有說無綫為了親生女佘詩曼和楊怡，下月將播映《宮心計》，她說：「又嚟呢啲，公司好公道，舊年我同夏生都唔係簽無綫，我鍾意雯女，佢係好戲之人。」另外，方力申在活動上，對好友側田與長腿新歡在銅鑼灣約會，他笑說：「我都好羨慕佢，識親個個都係靚女，佢係旅遊大使，帶人去澳門玩，又去迪士尼，佢真係好好客，又好豪，我同佢食飯佢都爭畀錢。」
採訪、攝影：楊潔雯
