樂基兒開心笑：我結咗婚
樂基兒昨日與大班小朋友宣傳雪糕月餅，但她不肯談論生育的問題。
被爆成為黎太後現身首個公開活動的 Gaile，昨日在觀塘出席 Haagen-Dazs雪糕月餅活動，心情靚爆的 Gaile雖然以私人生活為由，不欲多談結婚之事，但臉上一副幸福甜蜜的樣子，令人感受到她的快樂。
榮升黎太的樂基兒心情極好，笑容比往日更甜。
樂基兒表示嫁給黎明後，生活沒有太大改變。資料圖片
「唔係睇你哋唔起」
未待記者發問， Gaile主動說：「首先我比較 shock（震驚）關於呢件事，所以有好多問題，我係今日唔會答，因為我有好多嘢未吸收到未 understand到，希望你哋明白，所以有乜問題你哋想問你照問啦。不過我舉手就代表我唔答。」問到黎明是如何求婚？ Gaile已經極速舉手，但就補充說：「我同 Leon比較鍾意 keep我哋嘅個人生活，希望你哋明白，唔係睇你哋唔起，如果你哋心裏面叫我黎太我好開心，口嗰度叫我 Gaile得 o架啦。」問她有否被稱呼為阿嫂？雖然她沒有作答，但臉上卻充滿笑意。
至於是否早有計劃結婚、之前向傳媒說謊否認結婚、結婚禮物、戒指等等一切有關的問題， Gaile都是舉手拒答。經再三追問，她說：「其實我冇乜會答 o架啦，因為我淨係答，係！我家係結咗婚嘅人，冇第二啲會答，無論發生咗乜嘢事，會唔會擺酒都唔會答，未到嗰個時間唔會答，到咗我亦未必講。」
不再回應生育
對於成為黎太的心情， Gaile大笑說：「我唔知我心情，我好緊張呀。今日好緊張，我未消化到。」問她工作方面有否受到影響？她說：「呢個問題唔應該問我，應該問我公司。」問到生育問題，她說：「唔答，你摷番我以前嗰啲（回應）咪得囉，我都答咗十幾年咯。」
Gaile表示婚後沒有太大的改變，結婚是秘密，但被別人公告天下，不同於自己親身公開，但現在這些已不再重要。最後她再說：「多謝大家關心，我家係結咗婚，如果熟識我同 Leon嘅人會明白，我哋好少講私人嘢，本來係 keep secret，大家家知道就算囉。」
採訪：魯萍 攝影：陳志嵐
人物誌：中越混血兒本姓黎
樂基兒原名 Lai Gia Ng，與丈夫黎明同姓， Gia是名字。樂基兒一名取自英文 Galie譯音，「樂」則是快樂之意。樂基兒在澳門出生，母親是越南人，姓氏為 Nguyen（阮），父親是中國人。黎父是澳門賭場話事人，後獲美國拉斯維加斯賭城招攬，在樂基兒兩歲那年舉家移民三藩市。 5歲時雙親離異，樂基兒隨母改嫁後，展開寄居生涯。至 15歲時獲攝影師看中，展開模特兒生涯，及後在三藩市完成中學課程， 18歲回港發展，短短數年即成一級名模。
