「援交應該網上搵」
趙碩之靠害師妹爆 Yumi手緊
趙碩之靠害師妹爆 Yumi手緊
o靚模新聞層出不窮，近日尹蓁晞（ Yumi）與男伴爆房斷正疑似援交，其師姐趙碩之昨日意圖撐 Yumi卻胡言亂語，竟踢爆師妹手緊及男女關係混亂，明幫暗踩。同場的王珈晴（ Bibe）則暗示舊愛杜德偉有劈腿之嫌，又透露自分手後要依靠吃安眠藥入睡。
趙碩之昨日在宣傳活動上露腰兼大晒玉腿。
趙碩之師妹尹蓁晞日前被拍得與男伴到時鐘酒店爆房，昨日趙碩之與杜德偉舊愛王珈晴齊到觀塘 apm出席達人夜書市活動時，即被追問師妹爆房一事，穿露腰短裙的她越講越亂，表面力撐實情靠害。
寸師妹做第三者
趙碩之初時說：「 Yumi已經吸取咗教訓，始終係公眾人物，拍拖冇錯嘅。」她指師妹男伴是她們的髮型師，但她一直不知 Yumi跟他拍拖，提到兩人爆房，她又忍不住說：「覺得幾過份，髮型師有女朋友，佢年紀幾大，需要負責任。」對於 Yumi拍拖被指涉援交，趙碩之說：「我唔知援交係乜嘢定義， Yumi叫佢男朋友，不過我都好震驚。」但其後她卻說：「援交唔會搵身邊人埋手，應該網上搵。」
問趙碩之覺得 Yumi為人怎樣時，她故作吞吐說：「可唔可以問過第二條問題？我唔評論。」對於 Yumi自辯因家中有事暫住時鐘酒店，她則說：「應該係男女之間情到濃時嘅解釋。」 Yumi被指有錢收，趙碩之竟大爆其私隱說：「佢都幾手緊 o架，我同戴夢夢有時都冇計，會畀住錢先。」 Yumi為何手緊？趙碩之竟說：「吓？乜話？真的嗎（普通話）？」問趙碩之究竟是想幫 Yumi還是想踩她時，她說：「我想幫佢，但呢件事好唔啱！最緊要男女關係唔好咁亂，太出面啦！」
同場作 cosplay打扮的王珈晴剛與杜德偉分手，她表示近日玩閃避球發洩，又稱近一個月來要靠安眠藥入睡，她說：「因為感情上同工作上都覺得好困擾，我本身係個宅女，以前少出街，家生活唔同咗，都會搵朋友出街。」
Yumi繼爆房斷正後，再被趙碩之大爆手緊及男女關係混亂。
趙碩之（左二）和 Bibe（左一）昨日與 cosplay打扮的模特兒一起宣傳夜書市。
Bibe透露與杜德偉分手後，要靠安眠藥才能入睡。
Bibe談杜德偉眼濕
早前杜德偉被拍得與師妹柏妍安在台北密會， Bibe若有所指地說：「我哋分手原因係大家唔夾，緣份盡咗，據我所知冇第三者，不過有都唔會話畀你知啦，唔想幫人哋做宣傳。」杜德偉傳有第三者，會否有不被重視的感覺？ Bibe聞言呆一呆，露出想喊的表情，她說：「我相信我哋一齊時係認真，家都過去式，唔諗拍拖啦，有 feel想寫書。」她指自己中五畢業，又不忘潤鄧麗欣說：「我都會寫錯字，我會小心，搵多啲贊助商唔想翻印。」
採訪：楊潔雯
攝影：陳順禎
