寫真過後見高下
Kama冇工開眼紅周秀娜
Kama冇工開眼紅周秀娜
Angelababy由 o靚模變潮模， Janice Man升呢， Kama昨日也首次出任 MV女主角，跟梁漢文在屯門貼面攬腰，之後就沒新工作要放假的 Kama，有點後勁不繼。面對周秀娜工作不斷， Kama酸溜溜謂：「咁咪恭喜佢囉！」
梁漢文攬着 Kama面貼面，二人非常投入。
首次做 MV女主角的 Kama（羅凱珊），昨日在屯門海水化淡廠為梁漢文的新歌《身外物》和《痛快》拍 MV。 Kama穿上一件白色吊帶裙，在 MV中被梁漢文攬腰及瞓大腿，只和梁漢文在《美女廚房》見過一次面的她謂不尷尬，她說：「 MV入面佢跣低瞓喺我大髀，暫時知道唔使錫嘴。」
「咁咪恭喜佢囉」
Kama之前拍攝電影《撲克王》，她說：「好好玩，不過要捱更抵夜，好辛苦。」電影差不多拍完，她謂沒新工作，準備去旅行。提到周秀娜工作不斷，她有點酸溜溜說：「咁咪恭喜佢囉！」
梁漢文則指今次揼本花 6位數字拍 MV，更加入爆炸場面，他指自己絕非點名要 Kama，他說：「唔知，係公司安排，每個 MV都要女主角啦，同埋佢形象都幾啱，我知佢係第一次拍，希望佢唔好緊張啦。」面對 o靚模，梁漢文謂不用向太太 Karen備案，他說：「冇，慣咗啦， 10幾年一齊，佢以前都有同霆鋒拍過 MV，我都有同 Karen一齊拍，不過老婆好怕醜，要問得好清楚。」
Kama昨日穿上白色吊帶裙做 MV女主角，青春性感。
周秀娜工作不斷，難怪 Kama會酸溜溜。
昨日生日的許志安，有指因女友余德琳懷孕將於年底結婚。資料圖片
安仔女友未見肚
另外，其好友許志安昨日生日，早前有傳安仔將於年底奉子成婚，迎娶已懷有身孕的女友余德琳，梁漢文代老友否認說：「咁大件事？噚晚先去安仔屋企排舞，一齊食飯，唔見肚喎，都唔覺。」有否提結婚？他說：「真係冇，但我唔可以代表佢，不過真係未收到消息。」
採訪： Kenneth Cheung
攝影： Matthew Lam
