Young模比賽 渡邊知夏子彈 Baby
周秀娜輸獎贏口碑
周秀娜輸獎贏口碑
o靚界女神 Angelababy（楊穎）、 o靚模周秀娜（ Chrissie）、《 Vivi》專屬日模渡邊知夏子及 10位 o靚模，前晚現身銅鑼灣出席 CM Young模比賽， Baby奪得廣告人氣模特兒的首位， Chrissie屈居第二，之前狂踩香港 o靚模的渡邊前晚首次與她們碰面後，大改口風大讚喜歡 Chrissie的自然美， Baby則跟想像差不多，明顯勁撐 Chrissie。
周秀娜應記者要求與 Baby合照，但遭 Baby的助手拒絕，她自言沒有因此不高興。
由雜誌《 Face》主辦的 CM Young模比賽，前晚在銅鑼灣世貿中心舉行，在網上選出最有人氣的廣告模特兒，結果第一位是 Angelababy，周秀娜屈居第二位，位列第三和第四的文詠珊（ Janice Man）和羅凱珊（ Kama）沒有現身，第五位則是新邦民女陳嘉寶（ Anjaylia），至於專程來港的日本女模渡邊知夏子則獲亞洲最具人氣模特兒大獎。
Baby自言賣樣
Angelababy獲 CM Young模第一位，獲不少 fans撐場支持。
渡邊知夏子前晚與 Baby和 Chrissie首次見面，渡邊早前狂踩本地 o靚模，但前晚改口風大讚 Chrissie有自然美，渡邊以日語說：「 Angelababy跟想像中差不多，我覺得 Chrissie比較 kawaii（可愛），她比我想像中靚，有自然美及五官突出， Baby只跟我想像中有少少不同。」問是否 Baby有整容之嫌？她說：「我不懂分辨，我覺得 Chrissie穿衣服很漂亮，令我有深刻印象。」
問 Baby可會視近日來勢洶洶的 Chrissie為勁敵？她即雙手放胸前說：「來勢『胸胸』？我哋唔同類型，佢來勢胸胸，我就賣樣多啲。」即是樣子比 Chrissie漂亮？ Baby說：「大家賣點唔同，靚唔靚見仁見智。」
問 Baby可有羨慕 Chrissie的天賦本錢，她說：「適合自己已經開心，我得 20歲，年紀大啲食肥啲會再發育，身材會再好啲。」訪問後，記者要求 Baby與 Chrissie合照， Chrissie在後台等候時， Baby被助手拉走，令 Chrissie大感尷尬。
自信第一位
（左起）周秀娜、新邦民女陳嘉寶及日模渡邊知夏子三人手拿獎項一起合照。
之後記者問 Chrissie被拒合照可有不開心？她說：「唔會嬲，佢太忙趕住做嘢啩。」問到屈居第二的心情，她說：「我入行時間唔長，攞獎已經好開心，我喺好多人心目中都係第一位。」
此外，渡邊知夏子表示十分關注酒井法子涉嫌藏毒的新聞，她說：「我不太相信，都替她擔心，日本人崇尚自然，吸毒在藝能界並不普遍。」
採訪： Jessica Ngan
攝影： Ricky Ip
