被網上反 o靚模大聯盟逐出書展的 Rainbow（胡心諾）和 Lavina（鍾蕙芝），前日結伴遊街時顯得沒精打采，不過 Rainbow有緋聞男友兼經理人 Admond陪伴， Admond更搭她膊頭呵番，兩人全程黐到實，當正電燈膽的 Lavina透明。
前 日下午， Rainbow和 Lavina行經中環威靈頓街時，在場一名龍友跟着影相，本來笑唔出的 Lavina即重現笑顏，當街扭動蛇腰任影唔嬲；同行 Admond就搭着 Rainbow膊頭行開咬耳仔，接着三人到餐廳醫肚。兩 o靚模離去時貫徹慳家本色， Admond依依不捨送 Rainbow搭地鐵， Lavina則坐巴士返漁灣邨寓所。
有指 SONY不安排寫真集《夏之盛放》的 o靚模入書展，慎防網民發起的抗議影響品牌形象，集團高層 James昨日在電話否認：「因為寫真集直至家賣剩唔夠 400本，到書展時都差唔多賣晒，出版社認為冇必要喺書展搞活動，反而下周我哋會搞慶功宴就真。」
對於部份網民認為 o靚模的寫真集低俗，問到 James會否跟 o靚模再合作？ James說：「網劇仲播緊，我哋會睇咗佢哋邊個最受歡迎，下載最多先決定未來嘅合作方針。」不過前日宣傳網劇時卻踢走 o靚模，改以傅穎作主打。
