百人街頭揀書展心水
Angelababy攞頭彩贏周秀娜
Angelababy攞頭彩贏周秀娜
Angelababy在街頭訪問中先勝一仗，力保 o靚界女神地位。
【 09書展星戰場-明日舉行】明日香港書展正式開幕， o靚模兵團以人肉長城圍剿會展，明星才女又欲分一杯羮。本報昨日進行百人街頭直選，選出讀者最想買的明星書，結果售價$128、全場最貴的 Angelababy寫真以 28票穩奪首位，雪糕滿胸的周秀娜以 18票屈居其後。文字書方面，鄧麗欣憑愛情小說《陪著我走》得 8票成小贏家，其死敵傅穎僅得 3票，形勢險峻。
香港書展乃每年的文化界盛事，但今年 o靚模大軍胸降會場，除吸引「睇肉家」帶定長短火包抄等待埋身肉搏，又招惹逾 4萬反 o靚模網民口誅筆伐加靜坐示威，連串風波變相令今屆書展更受關注。記者昨日分別在旺角、灣仔及銅鑼灣作街頭訪問，邀請 100名 30歲以下的讀者在 37本寫真及藝人文字著作中選出心頭好。
Stephy的散文集獲得 8票，已是藝人文字書中得票最高的一位。
在寫真集中玩半裸的 Kama，在寫真排行榜中佔第三位。
「好有信心可以賣晒」
周秀娜昨日表示會遵守承諾，若寫真銷量理想便舉行獻吻會。
周秀娜昨日表示會遵守承諾，若寫真銷量理想便舉行獻吻會。
雖然經濟不景，但投票結果顯示露得最少兼賣得最貴的 o靚界女神 Angelababy寫真《 Miss Angelababy》以 28票高踞榜首，大晒 32D上圍兼疑似露暈的周秀娜寫真《 Kissy Chrissie》則以 18票排第二位，至於半裸出擊的 Kama（羅凱珊）及 A.Lin等 8模同樣得 6票並列第三位。
支持 Angelababy者眾，理由大多是被 Baby的外貌吸引，有人謂因該書在巴黎取景故感興趣，不過也有人因其名氣最響而選她，陳小姐說：「其他嗰啲都唔知係邊個，形象又負面。」
Angelababy昨日得知在街訪中先拔頭籌忍不住高聲歡呼，她興奮地說：「好開心，有咁多人鍾意，多謝！多謝！希望佢哋睇完本寫真會有驚喜啦。」問她初版印兩萬本可有信心賣完？她說：「有，好有信心可以賣晒，家信心大增，可能會出精裝版，同埋考慮下年再出另一本寫真。」 Angelababy的特別版寫真，今日會先在觀塘 apm的 2%時裝店作首賣，她謂對 fans的即場反應十分期待。
除了寫真集，今年也有不少藝人在書展推出文字著作，如鄧麗欣（ Stephy）、傅穎（ Theresa）、狄娜及陳志雲等，綜觀街訪結果， Stephy以 8票摘冠，死敵 Theresa僅得 3票。 16歲的李小姐說：「 Stephy本書雖然賣 100蚊，但又送 CD又送 USB，仲上埋郵輪影，好抵。」 Stephy更在新書中展示了其自畫素描像，擺明向愛畫畫的 Theresa示威。
此外，周秀娜昨日在尖沙嘴出席新片《死神儍了》開鏡禮，提到有報道指她遭 Kama篤爆疑似隆胸，周秀娜說：「唔知，唔清楚，唔係親耳聽到，唔信佢咁講，而且大家都合作過幾次，可能做宣傳。」會否效法屢傳整容的 Angelababy公開昔日舊照以示清白？周秀娜謂沒必要。雖然備受抨擊，但周秀娜仍信心十足，之前她曾承諾若寫真銷量過萬便舉行獻吻會，昨日她再次重申承諾仍然有效，絕不食言。
8模撐師姐真大胸
A.Lin等「 8模兵團」昨日舉行寫真簽名會時，力撐師姐周秀娜的胸部貨真價實。
A.Lin等「 8模兵團」昨日舉行寫真簽名會時，力撐師姐周秀娜的胸部貨真價實。
至於 A.Lin等「 8模兵團」昨日在灣仔一時裝店舉行第二次寫真集簽名會，吸引數十名 fans排隊，對於師姐周秀娜被指打假波， Hailey C.力撐師姐真材實料。 8姝將在書展中推出加厚 90頁的特別版寫真集，面對近日的反 o靚模行動，她們昨日自稱身份是「平面廣告模特兒」，但翻看寫真集內的「 Y世代 o靚模港女論」， Hailey C.、 Dada Lo、 Annie G.及 Anjaylia都自認是 o靚模。
採訪：何永寧、馬建華
攝影：陳志嵐、林德雄、陳俊強
街訪： Stephy文字組居首
今屆書展明星 o靚模大鬥法，黃婉佩（ Race）和 HotCha也加入戰場出寫真欲分一杯羮。本報記者昨日分別在港九各地邀請 100位年輕市民，在 37本寫真及文字書中挑選心頭好，結果 o靚模元祖 Angelababy壓倒性勝出。採訪：吳佩思 攝影：陳俊強
【寫真組】
Angelababy《 Miss Angelababy》（$128）： 28票
周秀娜《 Kissy Chrissie》（$98）： 18票
Kama《 My Secret Album》（$98）： 6票
A. Lin、 Anjaylia等 8模《 Girl's Look Book Vol 1.2》（$68）： 6票
美味天使《 Taste of Angels》（書展價$98）： 2票
HotCha《 3x39° C》： 2票
Asa、 Annabella《 SALALA'S》（$88）： 0票
Yumi、 Melody《 MyYumi， MyMelody》： 0票
Race《 R for Race》（$98）： 0票
曹卓榣《 Cc@一個人的初戀》： 0票
椋名凜《 Kiss》： 0票
蔣欣妍《 Deep V》： 0票
蕭希榆《 Eyescream Ruby》： 0票
羽翹《純白之羽》（$68）： 0票
【文字書、相集及影音產品】
Stephy《陪著我走》（$100）： 8票
江若琳《小公主浪跡天涯》（$78）： 4票
Theresa《我會快樂的》（$68）： 3票
小儀《 DEEgree OF LOVE》（$68）： 3票
蘇施黃《阿蘇搵食咭之無敵飯局》（$68）： 3票
少爺占《小小雪》： 3票
森美《欠她一只雞蛋》（$68）： 3票
陳志雲《志雲首選食府》（$88）： 2票
獎門人及獎老《獎門通勝》（書展價$88）： 1票
古巨基《古 Sir IQ王》（$28）： 1票
黃貫中《顛倒》（$98）： 1票
艾粒《艾粒電視台 1979》 DVD： 1票
卓韻芝《推推推推推推推》（$58）： 1票
周麗淇《幸福》（$98）： 1票
狄娜《戰道》（$128）： 1票
方大同《 Life》： 1票
麥玲玲、懷鈺《女人都是這樣談情的》（$55）： 1票
葉翠翠《我和你》（$68）： 0票
吳日言《 Star Trekker沖繩》： 0票
鄺美雲《雲觀世界》（$68）： 0票
周柏豪《假如我有時光．機》（$78）： 0票
盧巧音《 L》（暫定$100）： 0票
梁詠琪《小黃花的奇想世界》： 0票
總數： 100票
為周秀娜抱不平
甄先生：「我揀 Angelababy，覺得佢好合眼緣，反而其他 o靚模就真係冇乜點留意，分唔到邊個打邊個。」
阿樂：「一定係睇 8模嗰本啦！同埋我想叫趙碩之唔好再攻擊周秀娜喇，佢根本五十步笑百步。」
林先生：「會買 Kama，佢曝光率夠高嘛。我預咗 500蚊左右買書，唔擔心到時有好多 o靚模 fans。」
吳小姐：「我會睇少爺占嗰本《小小雪》，因為一向都有睇開佢，覺得佢寫嘢幾有深度，內容都 OK。」
李先生：「我會買 Theresa或者 Stephy嗰本，我都有啲興趣，大約預 200幾蚊買書啦。」
楊小姐：「我揀蘇施黃，覺得佢上電視個樣好真。去親書展嘅人都係想睇啲正路嘅書，出寫真唔係太好。」
女書迷嫌 o靚模阻碇
今年大批 o靚模在書展中賣肉出寫真，記者昨日進行街訪，發現女士們對此特別反感， 15歲的岑小姐說：「佢哋淨係識賣性感，根本就唔係出書嘅材料。」 17歲的陳小姐則說：「佢哋千祈唔好去書展宣傳，阻頭阻勢。我都贊成劃分一個區域畀佢哋賣書。」至於 20歲的吳小姐說：「啲 o靚模真係睇到好厭，佢哋令書展變質，而且明星 sell書都 over咗。啲寫真集相多過字，你話我可以學到啲乜嘢？」陳小姐更反問：「我又唔覺得佢哋特別靚，又唔係明星，得個樣，唔明點解可以出書。」但也有讀者認為任何人均有出版自由。
