趙碩之（左）和 Yumi昨日出席活動時，異口同聲炮轟宿敵周秀娜。
書展明日揭幕， o靚模埋身戰在即，火藥味更濃，趙碩之和 32C的師妹 Yumi（尹蓁晞）昨日在尖沙嘴出席活動，繼續狂插周秀娜。趙碩之早前轟周秀娜寫真集的刷牙和舔雪糕照意識不良，周秀娜則自辯寫真集並非教科書，反寸趙碩之去年一樣拋胸切魚生宣傳。
趙碩之昨日說：「我知佢本唔係教科書，但公眾人物睇嘢要全面啲，佢啲相引人有少少遐想，我唔會切魚生濺咗啲汁落胸度。刷牙同食雪糕相，如果小朋友睇到有尷尬位，我就唔會叫小朋友玩牙膏。」 Yumi也搭嘴說：「係男人睇到呢啲相都會有歪念。」
趙碩之作狀與蛇仔咀嘴，認真大膽。
穿泳衣的椋名凜與男模特兒齊齊擺出騎呢甫士，全無美感。
椋名凜鋤強扶弱
此外，有日版 Paris Hilton之稱的椋名凜（ Rin），昨日在尖沙嘴一酒吧宣傳其寫真集，即場獲贈一套士多啤梨比堅尼，她大方換上盡騷逼爆身材。對於有報道指周秀娜是假胸，她力撐周秀娜說：「我覺得佢係健康性感，有時女仔肥同瘦都會影響身材。」又自爆月經前後身材會變大變小。提到近日的反 o靚模活動， Rin指自己不是 o靚模故不感擔心，她說：「不過我覺得啲人咁做好冇禮貌，啲寫真對班女仔嚟講係好重要嘅工作，係娛樂大家，寫真都係應大眾需要。」
採訪：楊潔雯、林妃 攝影：陳志嵐
