祖兒黑兔女鼻窿受罪
2010-01-05
祖兒是百變天后，今次化身「黑兔女」，造型創新大膽，令人耳目一新。
祖兒花了四十五分鐘將自己塗黑，頗考耐性。
【東方日報專訊】樂壇天后容祖兒將於本月底推出全新EP，今次在造型上去得更盡，向來愛Miffy兔仔的祖兒會化身「黑兔女」，俏臉和手腳均塗上黑色化妝顏料，出來的效果突破兼震撼！
入 行十周年的祖兒，本月底推出EP《Joey Ten》，可塑性極高的祖兒為搞新花款，為EP炮製了九款不同造型，每個都別具心思，對Miffy兔仔情有獨鍾的她說：「Miffy係白色，我哋開會商量 後，不如試吓髹黑自己，入行十年好多嘢我都試過，今次一於玩盡啲同大膽啲。去年音樂會已經有一個造型，加埋今次九款，總共十個造型。」
同事眼前一黑
化 身「黑兔女」當天，祖兒的俏臉、手腳及粉頸等部位，均塗上黑色化妝顏料：「嗰啲化妝品顏料唔會令皮膚敏感，全部髹上去，唔係電腦後期加工，然後再着黑色毛 毛衫同戴埋個兔仔耳，出嚟效果好型同好震撼，同事見到我都眼前一『黑』！」為了塗黑自己，祖兒花了大約半小時至四十五分鐘左右，只是影相時要Keep住補 色。
落妝沖身繁複
不過，落妝及沖身過程則相當 繁複，祖兒說：「第一次落咗妝，以為沖洗乾淨，返到屋企先發現指甲、腳甲同耳仔、鼻窿呢啲鬼祟位，仲有黑色顏料，要即刻再洗，加埋沖身四次先搞得掂，但我 好滿意個造型。」此外，除了九款不同封面的平裝版EP外，還會推出Joey Ten Boxset，內附EP、祖兒私房相集、漫畫集及造型相集等。
文：專案組
