黃泆潼：冇煙頭唔係Band騷
2010-01-04
黃泆潼力撐ＬＭＦ成員男友阿肥開騷爆粗。
Mr.成員MJ與女友卓韻芝拍拖睇騷。
【東方日報專訊】對於LMF憤世「四宗罪」，身為成員阿肥女友的黃泆潼力撐男友說：「吓！冇煙頭、啤酒罐就唔係Band騷，如果想乜 都冇就去睇張學友、王菀之啦，小朋友我係見到，都玩得好開心呀，咁細個都唔知咩係粗口啦，又唔係我帶嚟，關我咩事，我唔識法律，但支持朋友有咩問題啫。」 尹子維亦同樣支持LMF說：「呢個係佢哋表演嘅態度，粗口係其中嘅元素，係唔適合小朋友，家長帶佢哋嚟之前應該明白，呢啲問題（指控）只會喺亞洲發生，特 別係香港，喺外國LMF嘅尺度唔過分，根本攞嘢嚟講。」
至於全場high爆的劉浩龍就認為只屬表演藝術，無心挑戰法律：「觀眾睇得開心，表演者又表達到想講嘅嘢，挑戰係誤會啫，原諒佢哋一次。」與女友卓韻芝齊齊到場的樂隊Mr.成員MJ就表示LMF貫徹作風，屬音樂文化之一，最重要得到認同。
