陳偉霆被G.E.M Blog 爆關係
2009-12-17
Angelababy昨日行街，拒回應William的緋聞。
G.E.M.與William曾傳緋聞，她更自爆與他一起去行街買碟。 （資料圖片）
【東方日報專訊】陳偉霆（William）傳出與緋聞女友Angelababy分手後，近日再傳出他箍煲成功，此期 間，William另一位緋聞女友G.E.M.（鄧紫棋）竟自爆與他雙雙行街買碟，她又不避嫌將William力撐自己新碟的相片放上Blog，二人大晒 「友好」關係！
William與緋聞女友Baby鬧分手後又傳出他箍煲成功，關係變得藕斷絲連。此敏感期間，William竟不避嫌公開力 撐另一位拍戲時傳撻着的緋聞女友G.E.M.，他的「靚仔相」被發現在G.E.M.的網誌上出現，她更寫上「提起大碟，不得不提William先生終於買 了G.E.M.的大碟，看他笑到見牙唔見眼，就知道G.E.M.的音樂一定好聽！」
笑容燦爛
相片中的William的確笑得燦爛，如此這般為G.E.M.的新碟做宣傳，果真夠晒「老友」。
G.E.M.被問到是否與William發展？她即反應極大的澄清說冇可能：「佢當我妹妹咋！我哋未入行已經認識，一直都係好朋友，嗰日大家出席完活動就叫佢買我隻碟支持下，佢先同我一齊行又一城買碟，助手都有去。（佢同Baby分手？）我冇問佢呀，唔知呀。」
Email溝通
對傳出William箍煲成功，他說個「煲」由頭到尾都冇出現過：「傳聞發展得好快，分手到箍煲都喺兩星期內發生。（用Email傳情？）唔係，係溝通啫。」而昨日在港出現的Angelababy則表示與William仍是朋友關係，有關他其他的緋聞則不作回應。
文：專案組
