克勤又做老竇急搵銀
2009-12-08
李克勤昨日宣布太太盧淑儀再度懷孕，兩夫妻心情勁興奮。 （資料圖片）
【東方日報專訊】恭喜！李克勤昨日向外宣布太太盧淑儀再度有喜，明年虎年生B。榮升第二任老竇的克勤形容心情興奮，他笑言會「努力搵食」應付沉重的家庭負擔，並為自己曾編造詐病藉口向親友致歉。
克勤的囝囝立仁（Ryan）剛滿兩歲大，早就表明有意再追多個的克勤，昨日親口宣布太太再度有喜。鬼馬的克勤笑言近日發現很多「狗仔隊」埋伏在他家中：「可能係走漏風聲，因為我有私人事，既然係一件開心事，就一次過公開話畀大家知，我老婆又有咗喜！」
詐病缺席感抱歉
克 勤本來無意隱瞞太太有喜，但怕BB未過三個月會小器，所以未有張揚。他笑說：「我只係將喜訊話咗畀譚生（譚詠麟）同家人知，都辛苦咗阿倫幫我保守呢個秘 密。」克勤又稱要向各位親友講聲「唔好意思」，因為之前怕小器而「封口」，他幫太太用詐病為藉口避席一些聚會，他說：「希望大家唔好怪我。」
明 年再做老竇的克勤坦言好開心，他謂：「唔單只我開心，阿仔知道有多個弟弟或妹妹都好高興，但未知仔定女，我哋兩個都冇所謂。」風騷的克勤笑言有四字送給自 己，就是「努力搵食」，因覺家庭負擔好重。他又乘機賣廣告：「我月底就出新碟，大家幫手買多幾隻，等我幫補吓家計，仲有我同阿倫嘅《左麟右李》添，大家支 持吓。」
託傳媒照顧老婆
親口宣布喜訊的克勤， 不介意向大家分享喜悅，他明白傳媒工作，只希望家人生活不受影響。他笑說：「如果大家見到我老婆，麻煩大家離遠啲影佢，唔好嚇親佢，因為我唔可以經常喺佢 身邊照顧佢，都要麻煩大家幫手照顧佢。大家唔使擔心，每隔兩個月我會畀個詳細報告，唔使咁辛苦喺度呆等。」
文：音樂組
