【東方日報專訊】袁彌明（Erica）對於曾傳緋聞的崔建邦（Amigo）因涉嫌毆打女友鄺敏慧致一身蟻，連主持的節目亦惹來多宗投訴，她不諱言無綫讓該節目出街變相害了Amigo，又爆當年二人合作節目Amigo態度惡劣！
Erica昨日當人肉生招牌在銅鑼灣為家姐及友人合資的鬆餅店宣傳，她以精神及肉體作出支持，之前更舉家總動員試食畀意見，店舖開業一周已封蝕本門，其姊有意開分店，她考慮會否入股。
節目出街仲害佢
對 崔建邦主持的《娛樂十大奇案》播出後惹來多宗投訴，昨日廣管局再接獲兩宗投訴，其中一宗要求Amigo不要再在電視螢光幕出現，無綫則接得一宗。 Erica認為不應在此敏感時期播出節目：「再播等於害咗佢，奇就奇在人哋結婚就係『案件』，佢自己單案又唔列入奇案，件事依家進入法律程序佢未回應，係 另一方面（鄺敏慧）出嚟講，但唔知個女仔講嘅係咪真囉。我覺得個女仔唔好講太多，會畀人覺得博出位，反而冇咗個優勢。」
Erica又決絕地表示沒有慰問Amigo，問到是否因當年他追求不遂？她揶揄說：「我唔知停職同佢有冇關，但我離開無綫前同佢做節目，佢態度就非常之惡劣，所以都冇聯絡好耐。（係咪追你時就好？）曾經好好囉。」
Louisa：佢好口花
另 昨日有消息指Amigo愛追o靚模，其中一位是有「迪士尼女」之稱的o靚模吳慧冰（Louisa），Louisa昨日接受訪問時強調已有男友，不覺 Amigo有意追求，卻漏口風指他為人口花愛講笑，對所有女仔如是。早前Louisa被拍得出入崔家其實為他擔任styling；無奈今次被翻舊帳：「傳 緋聞之時，第一時間同唐詩詠致歉，佢仲話慣晒，成日因為咁畀人寫。」另又有版本指崔、鄺「出事」的導火線，是他不肯陪鄺出席聖誕派對，女方一怒之下提出分 手兼謂要將事情搞大，混亂間發生傷人事件。至於連日來負面新聞不絕的鄺敏慧，其經理人繼續潛水，其助手則拒絕回應所有傳聞。
文：影視組
