克勤拖實老婆護航
盧淑儀懷孕 5月 凸肚出巡
42歲的李克勤再做老竇，早前他親證妻子盧淑儀已懷有第二胎。據悉 36歲的盧淑儀自懷孕後近乎足不出戶，但前日李氏夫婦為招待外國返港的友人，才偕同岳父母齊到圓方商場與友共晉晚膳。已大肚近 5個月的盧淑儀難得出巡，極度緊張的克勤刻不容緩拖實太太而行，又為她開車門及做柴可夫，關愛滿瀉，冧得老婆如笑口棗。
盧淑儀前晚與父母到圓方商場晚膳，已懷孕近５個月的她明顯發福，乍遇記者即以袋遮肚。
李克勤太太盧淑儀於 07年 10月誕下囝囝李立仁（ Ryan）後，眨眼間大額 Ryan已經兩歲大，正上 playgroup學習群體生活。本月初克勤又公佈喜訊，透露妻子再度有喜，現時盧淑儀已大肚近 5個月，預產期是明年 4月。
據知再做老竇的克勤對太太懷有第二胎同樣緊張，盧淑儀自懷孕後非常深閨，甚少踏出家門，故克勤收工後例必第一時間撲返家中慰妻及湊仔。不過近日因有友人從外國返港，克勤夫婦為盡地主之誼，前日才結伴外出與友洗塵，盧淑儀大肚 look終於曝光。
;)
Chanel大袋遮肚
;)
前 日克勤在黃竹坑出席新碟發佈會後，未及更衣已會合太太及岳父母聯同友人一家，齊到圓方商場晚膳，至晚上近 10時開餐完畢，大夥兒一起離開。現場所見，克勤和岳父負責開路護航，腹大便便的盧淑儀戴 cap帽、穿一身寬鬆黑衣襯波鞋，但仍可見其隆起腹部及渾圓腰肢，而她則挽着價值$10,800元的 Chanel CoCo Cocoon藍色手袋，尾隨丈夫與女友人雞啄唔斷。眾人邊行邊講，當抵升降機一帶時才揮手道別。
隨後克勤拖着太太慢行往停車場，兩公婆沿路有講有笑，墮後的兩老見狀不禁笑咪咪。不過克勤推開停車場玻璃門乍見記者在場時，雖表現無奈但仍揮手示好，盧淑儀猶豫一會後才低頭現身，與丈夫拉開近 10人距離，對鏡頭相當避忌，且即時用袋遮肚。
未知胎兒性別
接着克勤取回其 160萬的黑色波子 jeep，打開車門讓妻子先上車，表現細心體貼。問克勤知否太太何時待產及腹中塊肉性別時？他卻鬼馬笑說：「聽日……聽日待產。」然後他便親自駕車載同太太及岳父母離開。
前 晚享受完天倫樂的克勤，昨日又跟譚詠麟到佛山準備演出倒數騷，他在電話中表示老婆懷孕 4個多月，平時很少出街，他說：「咁啱朋友喺法國返嚟，好多年冇見，咪出去食飯聚吓囉。」現時可知腹中胎兒是男是女？克勤謂：「未照得清楚，醫生問我係咪 好想知，我話冇乜所謂，到時開估咪仲好，或者遲吓照到嘅話咪知囉，家真係唔心急住，仔女都咁好。」
;)
;)
克勤中港頻撲
克勤是曼聯 fans人所共知，其大仔 Ryan取名便因老竇鍾愛紅魔鬼翼鋒傑斯（ Ryan Giggs），而他也喜歡另一前鋒朗尼（ Wayne Rooney），若他再度生仔會否取名 Rooney？他笑說：「呢個提議唔錯，但家真係未諗到咁遠，到時先諗啦。」
克 勤剛出新碟，整個 1月份都會在內地作左麟右李巡迴演出，佛山之後還要到深圳及惠州等地，豈不很少時間陪老婆及兒子 Ryan？他說：「間唔中會返一、兩日咁囉，好似聽日倒數完，我 1號咪返嚟囉，不過隔兩日又走，我屋企啲長輩都成日嚟陪佢哋嘅，個仔係掛住我，但冇法啦，工作嘛。」問他是否家中常播其新碟，一解 Ryan對他的相思之苦？克勤一派有仔萬事足地說：「佢有聽我啲歌 o架，識唱《嫲嫲》。」
克勤又稱已開始為兒子教育做準備，他說：「 Ryan家上緊 playgroup，同啲小朋友玩吓，有排都未讀書，我哋又唔係要佢做天才兒童，冇諗住要佢學乜學物，最重要佢自己有興趣啦，而且佢媽咪冇做嘢，可以陪住佢玩教佢嘢。」
採訪、攝影：朱志聰、葉雪
相士話：克勤預俾 BB蝦
李克勤與盧淑儀 07年一索得男誕下寶貝仔 Ryan，明年又再為人父，玄學家麥玲玲謂克勤子女運不俗，大有機會生夠三個，分分鐘兩仔一女，她說：「出年係虎年，無論係生隻老虎仔定老虎女，同生肖屬 豬嘅 Ryan都會好夾，兄弟或者兄妹感情好好。不過克勤生肖屬羊，點都會俾老虎仔蝦 o架喇。」麥玲玲又說虎年出生的 BB屬運動型，性格活潑而且硬淨。看來如果克勤又生仔，將來又可以陪 BB踢波波喇。
話你知：虎年利生 B女
明年是虎年，星級 BB排住隊出世。巧合是曾與克勤傳緋聞的郭可盈明年初也將為人母生番個虎女，至於栢芝霆鋒第二個愛情結晶品也將呱呱墮地，可喜可賀。
;)
;)
準父母：鍾麗緹、嚴振翔 預產期：明年 1月 BB性別：未知
準父母：范姜、鍾鎮濤 預產期：明年 1月 BB性別：女
準父母：徐淑敏、黃 浩 預產期：明年 3月 BB性別：女
準父母：郭可盈、林文龍 預產期：明年 2月 BB性別：女
準父母：張栢芝、謝霆鋒 預產期：明年 5月 BB性別：未知
資料來源：《蘋果》資料室
;)
;)
