蔡卓妍和鍾欣桐多年來和祖兒情如姊妹，兩人齊齊吻賀師姐入行 10周年。
容祖兒為慶祝今年入行 10周年，將多年的工作片段花絮輯成紀錄片，前晚她在圓方戲院搞首映禮，眾好友包括 Twins、李克勤、林海峰及黃偉文也到場支持。當祖兒接受訪問及見到 Twins時都一時感觸落淚，她說：「之前我睇都忍唔住喊，不過裏面冇乜爆愛情嘢，反而有師傅羅文片段，每次睇親師傅都依然會抽住。」
祖兒獲黃偉文（右圖）等好友支持，一時感觸落淚。
克勤辛勞得 B
至於克勤就透露盧淑儀現有幾個月身孕，未知是仔或是女。問到今次老婆有 BB是一早計劃定因勤力所致？克勤笑說：「好多朋友都有問，我咪答佢工作時工作，工作之後都係工作囉。」他又謂譚詠麟的秘方只是多做運動。
採訪：李珮洳
攝影：黃偉雄
