阿棠內疚急救無效
2009-11-26
江欣燕
黎耀祥
【東方日報專訊】前輩陳鴻烈拍劇猝死，眾藝人均感愕然，其中視之為「爸爸」的歐錦棠反應最激，而江欣燕、黎耀祥等，均表現得不能接受這個突如其來的噩耗。
陳鴻烈（烈哥）前日拍無綫劇《畢打自己人》時心臟不適，送院後返魂乏術。目送「爸爸」離世的歐錦棠前晚失眠寫Blog悼念「爸爸」。
阿 棠說：「尋日入廠因為烈哥平日較姿整，通常我哋都要等佢，不過就等得唔尋常，少芸入嚟話『爸爸』唔舒服，我見佢坐喺服裝間張櫈，個樣好辛苦面都青晒，我幫 佢解開衫鈕，佢就抽搐反白眼，我哋即刻報警，期間，我幫佢按穴位，但我摸唔到脈搏，烈哥塊面由青變黑，保安到場即畀氧氣佢吸，先有番少少脈搏，跟住就由白 車送入院，我不停叫『爸爸』等佢保持清醒，後來我哋到病房見烈哥最後一面，都好安詳，佢喺不知不覺情況下走，都唔係唔好事，佢又鍾意演戲喺工作崗位走都無 憾啦。」阿棠在接受查小欣訪問時，亦後悔自己沒有學過急救和人工呼吸。
江欣燕觸空櫈傷感
江 欣燕昨早返電視城到《畢打》廠慰問同事，欣欣還摸着陳鴻烈出事時坐過的櫈，懷念一番。欣欣說：「今日個廠氣氛愁雲慘霧，個個都忍痛開工，其實做演員出咗名 係死頂，成日都會唔顧健康，自己試過白內障，成年時間睇嘢都矇查查，結果捱咗成年先去做手術，今次烈哥出事，對圈中人係一個警號，大家要關心健康。」
黎耀祥情緒受打擊
黎 耀祥昨日為《畢打自己人》開廠，他坦言情緒都有些影響，而毛舜筠更忍不住喊，祥仔表示現時劇情要大改，不過仍未有定案。祥仔接受查小欣電台訪問時，指陳鴻 烈私底下對着衫很隨便，但對戲服就一絲不苟，是一位專業演員。而黃子雄返廠後見到烈哥坐開的大班椅，感覺他還在：「佢份人好開心，好鍾意玩，可能依家喺度 玩緊。」而蓋鳴暉則指烈哥平時很健康，只吃正餐，甚少吃零食，收到其死訊都很愕然。
