[娛樂新聞] 阿Sa暴曬見暈停工休養

• 祖兒見阿Sa曬到暈，立即照顧有加，還有助手為她們打傘遮蔭。

阿Sa暴曬見暈停工休養

近日抱恙的蔡卓妍（阿Sa），繼續其女鐵人本色，昨日不惜帶病上陣，孖住容祖兒（Joey）出席活動，Joey更笑言自貶身價降格做「小太監」，升呢做 「太后」的阿Sa果然不同凡響，更獲經理人霍汶希下旨給她五日假休息，避免讓阿Sa太操勞！

• 阿Sa雖然唔舒服，巡遊時仍不停揮動旗仔。

女 鐵人阿Sa的人氣高企，雖然曾在家中不支暈倒，工作依然排山倒海。昨日阿Sa與好姊妹Joey齊齊參與建國60周年的「向國旗致敬」及「萬人大巡遊」活 動，同場還有謝安琪、梁詠琪、樊少皇及徐小明等，大會安排他們與香港各界代表共六十人，一同揮動由北京運來港全世界最大的中國國旗（長六十米、闊八十九 米），並乘古董車巡遊。

• 阿Sa與祖兒穿着大會的T恤，笑言好像乒乓孖寶。

衫似乒乓孖寶

眾 持旗手等候進行揮旗儀式期間，烈日當空令阿Sa、Joey等暴曬，但她們亦毫無怨言，大會又安排Joey在中央位置持旗，盡顯天后地位！巡遊期間，阿Sa 明顯感疲倦，但仍靠在車窗向沿途的fans揮手及微笑，精神可嘉！事後Joey指阿Sa的確暈陀陀：「不過揮完國旗都藥到病除，我都精神百倍！」阿Sa表 示會多喝水以防中暑，Joey更降格自嘲：「佢係太后我係小太監，我會照顧佢！」而阿Sa即搞笑指兩人穿上大會制服，較像乒乓孖寶，她說：「我覺得巡遊路 線太短，可唔可以遊多次呀？頭先見到啲外國人同我揮手，我覺得身為中國人好驕傲，祖兒揮旗嗰陣真係喊！（你有啲攰？）頭先太曬都感到頭暈，不過心情興奮令 我乜都可以忘記！」

下令放假五日

不 過，英皇亦對阿Sa寵愛有加，盡力為她爭取休息，經理人霍汶希說：「阿Sa嚟緊只係要拍《美麗密令》同錄音，咁啱齣戲要延遲五日開拍，我已經落令，除咗錄 音，唔畀同事喺阿Sa呢五日嘅期表上加任何工作！」她表示已為阿Sa安排明年初放一星期大假休息：「佢同我講要2010年咁耐，不過有好過冇，哈哈！」

文：音樂組