- 官恩娜笑言已忘記不快事，但年年都有人提醒她。
官恩娜忘狼吻人堆穿梭
官恩娜（Ella）與江若琳（Elanne）昨為電影在銅鑼灣鬧市宣傳，引來數十人圍觀，中秋節對兩人都有特別意義，Elanne坦言節日特別「思春」，而Ella則謂對三年前被強吻事件已完全忘記。
Elanne、 Ella及梁俊一為電影《同門》在街頭派螢光棒，讓歌迷、市民歡度中秋，Ella在人堆中派螢光棒顯得十分自如，似乎已忘記三年前中秋活動上被人強吻事 件，事後記者問她是否已不怕時才猛然記起：「係喎！我已經完全唔記得件事，雖然我唔記得，但年年都有人提起。（頭先驚唔驚？）唔驚，啲fans都識嘅。」
被余文樂虐打
今次Ella在電影中除素顏演出外，還經常被余文樂虐打至血流披面，問到可接受打女人的男人，Ella即說：「唔接受！女人都可以打嘅都唔係男人啦，不過女人打男人都唔好，我有朋友因為畀老公摑咗一巴而離婚收場，好彩我冇遇到啲粗暴嘅男人。」
有人追唔合意
而Elanne透露晚上跟家人吃飯做節，然後再跟朋友、師弟妹們聚會狂歡，她笑謂跟家人度中秋時都有玩家鄉廈門遊戲，而她家屬大家族，過節時多達數十人，她忽發奇想：「都好想返鄉下開個迷你演唱會，能夠返鄉下表演係一種光榮。」
問到中秋可想來個「人月兩團圓」？Elanne即說：「好想呀！啲朋友都一對對，（每逢佳節倍思『春』？）係呀！如果可以整月餅畀另一半食就好囉。」已年多沒有拍拖的Elanne承認雖有追求者，但不合心意，且有男性朋友以為她必定有男友而不敢追求。
文：影視組
