鍾嘉欣行騷「爛尾」險甩裙
2009-09-28
嘉欣笑言若收到男孩送她「海洋之心」會感到十分浪漫。
朱璇（右）及徐萌的晚裝令人眼前一亮。
【東方日報專訊】鍾嘉欣、苟芸慧、張嘉兒及朱璇等前晚為珠寶騷擔任模特兒，眾模特兒中以吊帶低胸裝示人的朱璇最為性感，當晚徐子淇父母等亦為珠寶騷的坐上客。嘉欣穿上大會提供的白色tube dress示人，卻在出台時不慎踩爛裙尾位置，事後她尷尬說：「當時真係好驚成條裙會甩落嚟，我即時扮冇事繼續行，返到後台就叫工作人員幫我剪去爛咗嘅地 方。（仲見到爛咗？）唔係啩，但好彩最後都冇事。」嘉欣自爆於加國為參加畢業船河，特地花四百元加幣度身訂造靚裙，還向母親借珠寶配襯，點知上船那刻不慎 踩爛裙子，更撕開慘變半截裙，令她十分不快。
另外，網友於討論區中選出十大女神，鍾嘉欣力壓o靚界女神Angelababy及Janice Man成為冠軍，而亞軍則為楊怡，季軍則是陳法拉。
