楊秀惠夜會曹格捲入漩渦
- 曹格、側田街頭肉搏，原來楊秀惠當晚也在現場，但她聲稱只是逗留一會便離去。 （資料圖片）
樂壇好兄弟曹格、側田肉搏街頭，事件起因耐人尋味，兩位當事人欲言又止。翻查本報獨家拍得的DV事發經過，赫然發現事發前楊秀惠一度在場，這位曾在夜場惹 起桃色風波的惹火尤物，加上極愛杯中物的曹格、緋聞多多的側田，兩男加一女，相信只有當事人才最清楚打架背後真相。
楊 秀惠昨日接受記者電話訪問時，坦承事發當晚曾與曹格、側田見面，她說：「嗰晚我大約十一點幾落去酒吧，我同曹格係喺馬來西亞一個工作場合識嘅，平時見到面 都有傾偈，大家係馬來西亞人比較friend啲，嗰晚曹格經理人打畀我，所以我落去坐咗一陣。（傾咩？）冇呀！去到佢哋夾緊band，玩得幾開心，我就同 自己啲friend傾偈，曹格都有同我say hello。」
馬國同鄉好鬼friend
秀 惠強調視曹格與側田為好朋友，她說：「我同側田都識。（有冇同側田傾偈？）冇乜講嘢，因為佢夾緊band，側田打鼓，曹格唱歌，玩得好開心，我大概十二點 幾就走，臨走嗰陣曹格仲好清醒咁同我講：『我今次返嚟好忙，遲啲返香港，到時再玩過。』我都唔知佢哋打交，係睇報紙先知。（好驚訝？）我唔評論，佢兩個都 係我好朋友，希望佢哋冇事。（知唔知佢哋為乜事打交？）我諗佢哋飲醉咗啫。」
肥媽遲啲走或撳得住
事 發當晚另一位在場的藝人肥媽則說：「嗰晚我應邀落去jam歌，同老公一齊去嘅，去到見側田同曹格一個彈琴，一個唱歌，玩得幾開心，我凌晨十二點十五分走， 臨走前見佢兩個都有醉意，但仍然巴打（brother）前巴打後。（佢哋飲咩酒？）唔知，但細細杯，唔知係咪tequila，我走嗰陣佢兩個冇鬧交，我都 係打開報紙先知發生咁大件事，早知我就唔咁早走，撳住佢兩兄弟唔好打，佢兩個都好小朋友，其實好好感情。」
文：影視組
