JM遲到否認扮大牌
2009-08-09
ＪＭ否認升呢後扮大牌，只是途中遇到壞車引致遲到十五分鐘。
JM在開騷前一刻才匆匆趕到。
【東方日報專訊】文詠珊（JM）昨日出席公開活動，可惜姍姍來遲，開騷前一刻才匆匆到場，問她是否升呢（升level）後扮大牌，她即時笑笑口否認，但對於近日的o靚模風氣卻三緘其口，未肯作出任何回應。
JM、洪卓立（Ken）及周柏豪昨日出席活動，兩位男士一早到場，反觀JM卻姍姍來遲，比原定時間遲到十五分鐘，她解釋說：「啱啱途中遇到壞車，條路塞實晒，所以遲咗，（簽新公司扮大牌？）一定唔會，幾時都唔會扮大牌，我工作未試過遲到。」
免得太複雜
對 於近日o靚模當道，JM認為每人有不同崗位，最重要係做好自己工作，問到工作量會否受影響，JM說：「我所有工作都交晒畀公司安排，（畀啲o靚模爬晒 頭？）唔會，休息完反而好開心，叉足電又精神飽滿，同埋我學咗好多嘢，增值咗好多。」問到JM會否收起性感跟o靚模劃清界線，她表示自己一向不性感，着衫 要視乎場合，不會特登去賣弄性感，對於周秀娜的性感寫真引起爭議，JM只答說：「我唔會畀任何意見，免得件事搞到太複雜。」
鍾情高踭鞋
活動上，Ken跟柏豪要為兩位女歌迷揀選最新秋冬裝，柏豪似乎比較熟手，Ken就顯得有點雞手鴨腳，柏豪表示一向行街會留意女裝，特別鍾情睇高踭鞋，將來有機會會跟朋友夾份開時裝店，而Ken解釋說：「前一晚肚屙，屙咗四個幾鐘，開騷之前都唔敢飲水，好怕又要去廁所。」
採訪：音樂組
