周秀娜樂做性幻想對象
2009-08-04
近日負面新聞多多的周秀娜，揚言不介意成為男人的性幻想對象。 （資料圖片）
周秀娜力撐男友事業有成，毋須食軟飯。 （資料圖片）
【東方日報專訊】近期「峰」頭一時無兩的周秀娜（Chrissie）負面新聞多多，昨日她否認「剝衫貼仔」之餘，更呼籲傳媒不要騷擾其家人。面對外界的連串唾罵，她認為各有看法，更揚言樂做男士的性幻想對象。
近 日有雜誌指Chrissie賣肉吸金四百萬，更獲兼職模特兒的男友鼓勵「愈剝愈多」，她又被拍得四出睇樓當業主，其父面對傳媒則不認女兒；加上何超儀在網 誌內唾罵o靚模「贈興」，難怪Chrissie昨晚參與節目錄影時，即被記者包圍採訪，期間她從容自若，心情未受影響。
家人支持性感
Chrissie 坦承這半年收入的確不錯，但拒絕透露實質數字。她說：「總之滿意啦！（一次過畀錢買樓？）梗係唔係啦，所以咪淨係睇囉！都想喺港島區買，同爸爸媽媽細佬一 齊住。（爸爸唔認你喎！）屋企人係我嘅底線，爸爸又唔係圈中人，突然衝出嚟係人都唔識反應啦！（屋企人唔鍾意你性感？）佢哋冇反對，好支持我依家嘅工 作。」
對於有傳Chrissie在財政上支持男友，她則謂：「大家財政獨立，出街食飯就佢畀錢。我識佢嘅時候，佢已經事業有成。（佢鼓勵你愈剝愈多？）佢好錫我，支持我每一個決定，總之我唔會再蠢第二次（Chrissie年前在情場滑鐵盧）。」
唔覺似影鹹相
談到她推出的攬枕被袁彌明批評為「（高）潮物」，Chrissie表示：「我唔覺得自己影緊鹹相，但女人做到男人性幻想對象都好好，唔係點叫女人呀？總之個product好潮好fashion，我自己都好鍾意，唔會因為某啲人嘅意見而唔開心。」
近日何超儀在網誌內發表「反o靚模言論」，更破口大罵。Chrissie表示不清楚事件：「我冇睇過，不過每個人都有自己睇法，社會言論自由嘛！我就唔評論人哋嘞。（以後會唔會低調啲？）我不嬲都好低調。」
