許冠傑媽咪腸穿病情反覆
2009-08-12
阿Sam早年和母親及太太歎茶，樂也融融。
許冠武昨日到醫院探望病情反覆的媽咪。
【東方日報專訊】許冠傑（Sam）母親最近因病入住將軍澳醫院，前日一度傳出病危消息。昨日下午六時許，偕許母同住將軍澳的許冠武與Sam的外籍太太現身探望，逗留約個多小時離開。
許冠武接受本報訪問時透露：「阿媽已經留院咗十幾日，因為條腸穿咗個窿，上星期做咗手術。（有冇生命危險？）病情都幾反覆，醫生話佢有昏迷同少許中風。（點解唔見阿Sam？）佢朝早嚟過，大家會輪流嚟探病。」
記者昨致電阿Sam演唱會出品人高志森，他表示：「我都有同阿Sam了解過，佢的確要抽時間陪伴同照顧媽咪，不過我哋已經將演唱會嘅流程搞掂咗，所以呢排都唔需要開會，影響唔大，今日仲加咗一場，許冠傑話會全力以赴，做好呢場演出，將最好嘅表演獻畀佢屋企人。」
