徐淑敏男友證冇懷孕
2009-08-13
Suki日前到泰國為彩妝品牌拍廣告。
【東方日報專訊】有傳徐淑敏（Suki）懷孕兼嫁人，其男友黃浩昨接受訪問，連聲否認此事，他表示：「冇啲咁嘅事，我會採取法律行動追究呢件事。（有指你充富豪？）我從來都冇講過自己係富豪。」
懷孕生仔消息傳出後，問黃浩有否跟女友聯絡？他表示：「冇，Suki今日返咗無綫，其實我哋傾好，有乜嘢消息傳出都唔會理，我好欣賞Suki，佢好信任我同識得分析事物。」
昨致電樂易玲問是否就「懷孕生仔」傳聞見Suki，她表示：「唔係，係傾續約嘅事，佢之前都有提過拍拖，我仲同佢講結婚記得帶畀我見下。」至於Suki，手提電話繼續飛去留言，至截稿前仍未回覆。
另外，Suki日前到泰國拍攝護膚品廣告，雖然幕後工作人員「全男班」，但因全是男同性戀者，所以就算要Suki性感上陣都全無尷尬。
