「拎幾蚊由出面睇到入面」
趙碩之逐個數臭 o靚模
趙碩之逐個數臭 o靚模
【 09書展師姐好火 22/7-28/7】書展未正式開始一眾模已鬥得難分難解，就連今年沒有份推出寫真集的趙碩之都來湊熱鬧，暗寸周秀娜等模的寫真集意識不健康，她更揚言：「今年出寫真，拎幾蚊就可以俾人由出面睇到入面。」
趙碩之（ Wylie）、戴夢夢、尹蓁晞（ Yumi）及陳若嵐（ Melody）前晚到荃灣，宣傳動漫節主題曲《動漫女神》。日前周秀娜的寫真集一張性感刷牙照引來頗大迴響，不過 Wylie卻對此有意見，言語間更暗寸周秀娜。
刷牙引入人性
趙碩之說：「其實影比堅尼相唔係唔健康，但唔明點解要一路刷牙一路影，意識有少少不良，刷牙都可以好健康，最重要係眼神同行為唔好引入人性，所以唔係咁好囉。 4、 5歲小朋友都識刷牙啦，如果學到咁就唔好啦。」
有網民抨擊 o靚模胸大無腦， Wylie回應時又再暗踩 o靚模：「呢樣我唔敢講，不過我覺得過份咗，點解出活動同影相時要着到咁性感，好似人哋攞幾蚊，就可以由出面睇到入面。好彩我係舊年出，都只係畀比堅尼人睇，今年乜嘢都要畀人睇。」問到 Wylie有否看過八模的寫真集，她又批評說：「其實衣着唔係唔健康，只係眼神同甫士唔健康，有啲一路除一路影就唔係咁好。」其實 Wylie於去年推出的寫真集中，都有不少啜珍寶珠的照片，意識是否不良則見仁見智。
提到 Rainbow輟學一事， Wylie覺得很多人想入行：「最好 keep住讀書先，家周街都係大學生，最少都中五畢業，進修增值一吓。」至於有份出寫真集的 Yumi指擔心書展的反 o靚模行動，但公司已安排了 6名保安保護她，她透露星期日會到旺角試反應。
此外，狄娜告誡一眾賣肉 o靚模，靠暴露行捷徑將來會後悔。周秀娜在 o靚模寫真集以意淫火辣搶灘，走勢凌厲，昨日她在灣仔出席美甲活動，遲到一小時，一到場影了片刻相就被大會拉走，之後才勉強接受了一分鐘訪問。問到為何遲到？她說：「總之係遲到，冇藉口。」問她會否聽狄娜勸告？周秀娜說：「有睇呢個報道，我欣賞狄娜姐姐係成功女性，我知自己做緊啲乜，我將來唔會後悔，我（影性感相）只係想表達番呢個時候嘅我。」但其後再問她有關狄娜的言論，她卻反口說：「我冇睇過，唔清楚。」隨即離開。
採訪：張俊銘、梁錦雯
攝影：黃文成
