這陣子，Kama（羅凱珊）好像靜了下來。
不是指她性格溫婉文靜，連她自己也說：「我份人好心急，冇planning。」可愛面孔，只屬糖衣包裝。
而 是早前她一時在「口靚模風暴2.0版」中，sell完性感又越級硬撼「口靚模元祖」Angelababy，一時就跟「亞視一姐」張文慈爭櫈仔。至近 期，Kama見報僅談談拍寫真，是非冇晒，一時間不習慣，倒是主角樂得「低調」：「去日本學日文，係我想做咗好耐嘅事，而且對我嘅事業都有幫助吖。」
自 言「冇plan」，但Kama讀書時就自薦入「模」路、再為自己鋪出打入東洋之途，當中夾雜少少新聞，再接拍一下電影作雙線發展，一個看似按部就班的 marketing plan，其實，Kama目標只得一個：「最好賺夠錢買樓，做model唔長久，我要快啲達到目標，所有嘢都要快！」
Kama這個「M」，除了是model、market外，最重要的，是money。
在爆出Kama與Angelababy「有你冇我」的新聞時，二人曾於本年3月並肩合照，畀錢都不能重溫。
人氣暴升後, Kama已相當鍚身, 預約訪問時更指明不穿bra-top, bikini更加免問, 昔日的三點式性感程式, 還待其處女寫真集出版, 請畀錢重溫。
4月被問及與Angelababy不和一事時，Kama曾落淚於人前，後來她解說稱自己行錯位置後尷尬，演技嘛，並非人人都可以無師自通。
Kama與其助手（箭嘴示）感情要好，不論是拍照當日（右圖），還是誤坐了張文慈座位的那一晚（左圖），後者也無微不至地照顧Kama。
對於網友的惡意批評，Kama已經司空見慣，5月尾她在日本以英文寫blog反擊，可惜仍犯了語病，看來她要學好的外語，包括英文在內。
演技派
模文化造就Kama，但成名代價則為她不絕的是非，靠「邦民女」形象稍獲知名度後，有報道爆她跟導演彭順爆房。沉寂過後，Kama搏盡走性感路線，內衣、bikini照任影，成功反彈後，又有指她力黐Angelababy博上位殺出香港，鬥到日本。
「人哋要講咩係人哋嘅事，我send相去model公司自薦，就梗係想做好我呢份工，搵多啲錢。Model上娛樂版係呢幾年至興，我都係搵食啫。本來我諗住做model只係扮吓靚影吓相，家好似一發不可收拾咁。初初唔開心口架，慢慢好啲，冇咁down，仲會有啲唔開心。
「不過，既然係繼續做咪做好啲，去日本發展，都係我自己喺網上搵啲又大又出名嘅公司去試吓，啲同事都讚我醒目。」
一方面向口架仔出發，另一方面Kama又進軍影壇，先後接拍《喜劇人間》及《撲克王》，對手分別為杜汶澤、古天樂及劉青雲等。
「拍戲對我嚟講係bonus，但係如果繼續有人搵我拍，我都會拍口架，我都會以成為演技派嘅目標進發，最好可以同劉華做對手戲啦！我成日喺屋企煲碟做功課，唔係呃飯食！」
跑得快
只是19歲的Kama，認為演技跟當模一樣可以無師自通，一切搵銀至上，就是因為生長於單親家庭的她，急於改善自己的生活。
「我細個好肥而且冇人會讚我靚，讀書成績又麻麻，返學等放學，放學又等瞓覺，跟住又返學。最有滿足感同成就感都係初中嗰陣參加陸運會，先知道原來我可以跑得好快，唔係短跑喎，係400米，仲攞埋金牌，企喺頒獎台嗰陣，係我第一次享受到人哋嘅讚賞。」
不過，Kama入行並非為博別人的讚賞或喝采，她說：「阿媽就係唯一一個會讚我靚嘅人，佢猛咁話我會做港姐冠軍，畀足信心我自薦。」
多後浪
被是非纏身的Kama，06年成為「邦民女」後，事業才初現曙光，晉身口靚模行列，事隔未夠3年，新一代「邦民女」Anjaylia（陳嘉寶）又愈追愈埋身，密接廣告無停手。「口靚模之路」大同小異，而後起之秀又來勢洶洶，大戰將會愈來愈亂。
Kama父母早離異, 共母曾為了工作而把她寄住在廣州, 生活迫人, 3歲的Kama對一杯雜果賓治也非常珍惜。
最靜態
談起母親，Kama稍稍回復俏皮：「我阿媽好惡口架，係唔係都打我，用衣架、地拖棍都試過，同學見到啲傷痕又笑我。嗰時好嬲佢，又唔畀我同啲同學出街，慢慢至知道佢搵食艱難，打就係佢最快教我嘅方式，家佢仲成日煲湯畀我飲。」
因為生活迫人，Kama母親被逼在女兒３歲時把她寄住在廣州，跟Kama外婆同住，在Kama６歲時才把她接返港。而Kama母親一直在酒樓任知客帶大女兒，在Kama成名前，母女二人還是寄人籬下，未擁有一個真正屬於自己的家。
說捱窮不怕，說不能與同學一樣shopping買靚衫也不怕，但一說到父親，就成了訪問中Kama最靜的一刻，她沉默了大概15秒，才說：「我好耐冇見佢，佢住喺大陸……以前過年都會探佢一次嘅，而且係佢唔要我哋先，好難會有聯絡。
「所以與其靠人哋，靠自己最實際，為咗儲錢買樓，我都唔靠人，而且我唔會按過50%（家儲咗幾多？），實數唔講，我諗只可以買到唐樓咋。」
由寄人籬下住公屋到搬至租住的翔龍灣豪宅，Kama對成為唐樓業主並不稀罕，立志搵錢自置物業，目標明確。
