書展期間， o靚模熱浪席捲全城。元祖級的 Angelababy要火拼大批對手，另一元祖 o靚模女神 Janice Man則成為黎明新寵做「模 art」。 Janice Man昨日升呢後首度出巡，風頭依然，談到好姊妹 Baby，她不諱言因工作關係，兩人已少了聯絡。
仍舊會專注模特兒工作的 Janice Man，下月會為 b+ab行騷。
由 o靚模跳升「模 art」的黎明（ Leon）新寵文詠珊（ Janice Man），昨日在銅鑼灣出席 Starbucks夏日飲品推介。今次是她加盟新公司後首個公開活動，公司全體上下不敢怠慢， Janice Man在同事、形象指導和保安等陪同下浩浩蕩蕩進場，更有半百名 fans吶喊支持， Janice Man又即場踩單車。
Angelababy（右）和 Janice Man初出道時老友鬼鬼，原來現在已很少聯絡。資料圖片
Janice Man昨日轉公司後首度出席活動，在銅鑼灣踩單車賣凍飲。
眾 fans在鬧市為 Janice Man打氣。
買齊 o靚模寫真
對於被黎明視為新寵「模 art」， Janice Man笑說：「唔好咁講， Leon每個人都會錫，我都覺得唔應該只係做模特兒，希望有多啲發展空間，試多啲唔同工作，所以會以 modeling同拍戲為主。」繼早前現身黎明個唱後， Janice Man會冧莊做下月 Leon廣州演唱會的嘉賓。
近期 o靚模寫真熱爆全城，已「升呢」的 Janice Man今次並沒出書，她也表示暫未看過 o靚模的寫真，她說：「我本本寫真都好想睇，所以專登叫朋友幫我買齊晒，但家仲未收到，不過我覺得各有特色。」她也稱因工作關係，與好姊妹楊穎（ Angelababy）少了聯絡，但相信 Angelababy會預留一本寫真送她。
重工作輕戀情
Janice Man和 Angelababy可說是一手引爆 o靚模潮的始祖， Janice Man笑說：「稱號係人哋畀，我只係 focus喺工作度，做好自己本份。我覺得乜嘢稱號都冇所謂，最緊要人哋認同。」有指她簽下 10年賣身契，以及要將戀情低調，她對此說：「呢啲係傳聞，不過我暫時以工作為先，專心工作。」復出後工作多多的她，下月初又為時裝品牌 b+ab行天橋。
採訪： Grace Ho
攝影： Chen Wai On
