[娛樂新聞] Angelababy推DVD寫真賺到盡(視頻)

擲萬元嘆葡菜慶功
Baby推 DVD寫真再斬四両

書展終於告一段落，元祖級 o靚模 Angelababy（楊穎）的簽名寫真在拍賣網炒上兩、三倍價錢， Baby為慶祝寫真大賣，前晚花萬元設宴慶功，她透露稍後會再推出 DVD精裝版寫真，繼續在 fans銀包攞錢。

Baby自掏腰包宴請攝影師、經理人 Kim（左二）、張詠恩（右一）等，大啖葡國菜慶功。

在寫真大戰中成功捍衞其 o靚界女神地位的 Angelababy前晚自掏腰包，請一眾工作人員在灣仔吃葡國菜慶功，大啖葡式燒羊髀、黑毛豬火腿等，花費上萬元。 Baby設宴答謝經理人 Kim、寫真攝影師 CK、美指等， Baby說：「今晚係冇 budget嘅，任點任食，好感謝所有工作人員幫忙。」

寫真集在書展大收旺場， Baby當然飲得杯落，開香檳慶祝。

20歲的 Angelababy在巴黎取景的寫真集，賣性感潮味。

附海報及簽名《 Miss Angelababy》寫真集，網上炒賣至 400元，是$128原價的三倍。

簽名炒高三倍
Baby的寫真《 Miss Angelababy》簽名版，近日在雅虎拍賣網上有人炒賣，原價$128被炒至＄ 400，她說：「我都知道，有上 yahoo睇過，簽咗名嘅賣$400，我都認得賣嗰個 fans，佢仲放埋同我嘅合照上去。」 Fans攞簽名卻放上網炒賣，會否感到失望？她說：「唔會，因為佢係買咗兩本，同埋佢有自己嘅權利。」 Baby更謂有 fans叫她戴手套簽名，再用密封袋珍藏寫真，令她非常感動兼難忘。
有指 Baby自稱賣出超過 2萬本寫真是篤數，她說：「我冇篤數，呢啲都係發行畀我嘅數，我對自己有信心。不過，呢啲都係數字遊戲，我遲啲仲會出精裝版，有埋 DVD。」
男友力撐心甜

Baby男友陳偉霆（ William）為撐她，早前不惜亂噏指 Baby高過吳彥祖，她聞言甜笑說：「我有睇到，好好笑，我都晒頭，我有打畀 William。」提到鄭融被胸襲，外間歸咎於近期的 o靚模賣肉風， Baby不認同說：「唔會，係嘅話，都非禮 o靚模啦，最緊要大家自己小心。」
採訪：羅慧敏
攝影：陳志嵐