Ana R.嫌o靚模急功近利
2009-07-26
Ana R.勸o靚模不要只顧眼前利益，要放眼將來。
詩雅（左起）、陳家樂及湯怡獲大批粉絲支持。
【東方日報專訊】Ana R.前晚穿超低胸性感晚裝出席活動，同場還有詩雅、陳家樂、湯怡及蔣怡等。Ana表示夏天以性感示人亦無所謂，但就覺得o靚模的寫真賣弄性感。
談 到o靚模的寫真集，Ana語帶諷刺說：「唔覺得佢哋係模特兒，佢哋係細路女，佢哋嘅寫真集應該畀細路仔睇，唔應該畀成年男士睇。啲寫真集淨係騷身材，佢哋 仲好細個，影呢的相，谷得太快。（如果有女兒好似佢哋咁會點？）我會送佢哋去修道院，每人有每人選擇，但邊有家長想見到個女咁？又滴雪糕又牙膏，佢哋只睇 到眼前嘅事，冇想過將來。（想賺快錢？）賺得幾多？畀心機讀書完成大學課程，可能賺得更多，唔一定要騷身材。」
同場的蔣怡表示，最近在香港、台灣兩邊工作，亦有留意o靚模新聞：「佢哋日日見報，（有冇睇佢哋啲寫真集？）冇，都想見識吓，好似好性感，但唔怕畀佢哋搶風頭，大家工作唔同。」
