[偷拍藝人] 陳琪 9月生女 揀定 BB裙(視頻)

三個媽媽齊掃嬰兒用品
陳琪 9月生女　揀定 BB裙

胡諾言將於 9月榮升老竇，其太太陳琪現已懷孕近 8個月，前日她在媽咪及奶奶陪同下到尖沙嘴狂掃 BB車及裙仔，顯見其腹中塊肉是 B女。向來偏瘦的陳琪體重暴增 30磅，胸部隨之升 cup，笑言正好谷奶以備餵哺母乳。

約 8個月身孕的陳琪肚大如籮，前日由母親陪同下狂掃 B B用品。

胡諾言和陳琪今年 4月奉子成婚，但胡仔一直對 BB性別賣關子，至今日終於開估，原來陳琪陀的是小 B女，由於 9月是預產期，所以胡仔夫婦近期俱忙為生育作準備，前日陳琪便由母親及奶奶陪同，到尖沙嘴海運大廈狂掃 BB用品，買個滿載而歸。
當日下午化了淡妝的陳琪挺着大肚子，現身商場內的 Chicco買 BB車，現場見店員向她示範 BB車用途後，她也照辦煮碗，又踎又彎身研究一番，同時又買下消毒劑及奶樽。
埋單萬五元

接着陳琪等三人往隔鄰的 Hallmark，三個阿媽一齊揀 BB裙及口水肩，邊講邊買，不久已掃走幾大袋戰利品，料兩店埋單共約 15,000元。
陳琪大肚後比前發福，昨日她接受記者電話訪問時表示體重暴升 30磅，腰圍達 38吋，全因她胃口大開，丈夫、媽咪及奶奶又催谷她吃燕窩及魚湯進補，其胸部也谷奶升 cup，她說：「谷奶好正常，啱囉，我準備餵母乳，不過都會買定奶粉。」

陳琪為 B女揀裙仔，奶奶在旁幫眼。
DV圖片

陳琪選購 BB車，埋單放低過萬元。
DV圖片

胡諾言和陳琪將於 9月做人父母，兩人俱緊張不已。
資料圖片

陳琪透露選擇剖腹生產，但未知丈夫能否陪入產房，她說：「胡仔一直好想入埋產房，佢買晒相機、 DV同好多書，但因為撞正豬流感，我揀嘅醫院唔畀爸爸入產房，希望到時得啦，我都好想佢喺度，可以同我傾偈分散注意力。」
陳琪笑指丈夫非常緊張，每次都請假陪她看醫生，最近一次她看 4D時，已清楚見到 BB容貌，「佢嘅眼耳口鼻好似胡仔， BB每次都好合作，一照就擰個頭過嚟。」
採訪、攝影：李志明、葉雪