【東方日報專訊】對於有人向有線寄出一粒懷疑子彈，藉此向陳冠希發出全球追殺令，身為陳冠希契爺的黃秋生昨日得悉此事，大感奇怪。他指警方應認真徹查事件，並笑言下次約契仔食飯，自己都要着定避彈衣。
秋 生對懷疑子彈恐嚇大惑不解，他說：「點解寄畀有線？點解唔直接寄畀Edison？乜嘢咁大件事呢搞到要攞人命？搞清楚係惡作劇定嚟真先！我覺得成件事好奇 怪，應該交畀警方去查。今次寄子彈，下次會唔會寄炸彈？（係咪有人不滿陳冠希慾照事件？）件事都淡忘啦，做乜又子彈、又機關槍咁撩番起佢呀？（係咪生意上 得罪人？）啲『昆』人過億嘅都冇事，依家整粒子彈想人唔好出現，人哋咪退得休？」
秋生表示暫時不會致電陳冠希：「做契爺就梗會頭痛，公司仲頭痛呀，玩到咁大！暫時唔煩佢住喇。早輪先同佢通過電話，（講乜？）Say咗個Hi，問佢幾時得閒食個飯咁。不過依家睇怕真係出嚟食飯，我都要着定避彈衣同戴定頭盔。」
